नेपाली शेयर बजारमा आइतवार ठूलो पहिरो गएसँगै शेयर कारोबार रोक्का गरिएको छ ।

साताको कारोबारको पहिलो दिन नै सेयर बजार परिसूचक नेप्सेमा ५ अंकको नकारात्मक सर्किटब्रेक लागेसँगै ४० मिनेटको लागि कारोबार रोक्का गरिएको हो । २ घण्टाको कारोबारमा नेप्से १४७.३१ अंकले घट्दै २७७९ अंकको विन्दुमा पुगेको छ ।

सो अवधिसम्ममा २१५ कम्पनीको ७९ हजार ९३५ पटकको कारोबारमा ७ अर्ब १९ कराेड ९० लाख ३५ रुपैयाँ बराबरको १ कराेड ४८ लाख ३१ हजार कित्ता शेयर खरिदबिक्री भएको छ। जसमध्ये ५ कम्पनीको मात्र शेयरमूल्य बढेको छ।

यो नेपालको सेयर बजारमा सबैभन्दा धेरै अंकको गिरावट हो । यसअघि १२३ अंकको सर्वाधिक गिरावट आएको थियो ।

गत आर्थिक वर्षको पुस ५ गते ९७ अंकले बजार घटेको थियो । विगत १ वर्षमा २ पटक नकारात्मक सर्किटब्रेक लागेको छ ।

अब बजार १ः३९ः५५ मा पुनः खुल्नेछ।