चितवनस्थित गौतम बुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले बनाउने भएको छ।

मंगलबार हेटौंडामा प्रदेश सरकार र भरतपुर महानगरपालिका बिच भएको बैठकमा रंगशाला निर्माणका लागि आवश्यक लगानी गर्ने सहमति भएको हो । महानगरसँग प्रदेश सरकारले पहिलो चरणमा ७५ करोड रुपैयाँको काम गर्ने गरी सहमति भएको छ। जसमा प्रदेशले ७० र महानगरले ३० प्रतिशत लगानी गर्ने भएको हो ।

तिहार लगत्तै ठेक्का आव्हान गरी रंगशाला निर्माणको काम अघि बढाउने गरि उक्त सहमति भएको हो । पहिलो चरणमा १० हजार दर्शक अट्ने प्याराफिट सहितको क्रिकेट पिच र मैदान निर्माण गरिने महानगरले जनाएको छ।