नेकपा (एमाले) ले बैशाख १० गते हुने चितवन–२को उपनिर्वाचनमा देवी ज्ञवालीलाई आफ्नो उम्मेदवार उठाउने भएको छ ।

सर्वाधिक चासोको रुपमा हेरिएको  चितवन–२  मा राष्ट्रिय स्वतन्त्र पार्टीका सभापति रवि लामिछाने ०७९ मंसिर ४ गतेको निर्वाचनमा निर्वाचित भएका थिए । तर, उनी नागरिकतासम्बन्धी विवादमा फस्दा सर्वोच्च अदालतले उनको सांसद पद खारेज गरिदिएको थियो । यसअघि मंसिर ४ मा भएको निर्वाचनमा भने रवि लामिछाने ४९३०० मत ल्याएर निर्वाचित भएका थिए ।

यसअघि रवि लामिछानेसँग चुनावमा पराजित भएका कृष्णभक्त पोखरेलले पनि पूनः निर्वाचन लड्ने मनशाय बनाएपनि अहिले नै को उम्मेद्वार बन्छ ? भनेर भन्न सकिने अवस्था नभएको एमाले नेताहरु बताउँछन् । अहिले एमालेले लामिछानेसँग देवी ज्ञवालीलाई नै भिडाउने तयारी गरेको छ।

त्यस्तै कांग्रेसले पनि कसलाई उठाउने भन्नेबारे छलफल थालेको छ। जिल्लाका नेताहरु कांग्रेस सभापति शेरबहादुर देउवासँग निरन्तर छलफलमा छन् । साथै राष्ट्रिय स्वतन्त्र पार्टीले पनि हाल सम्म रवि लामीछाने नै उठ्ने भनेर आधिकारिक रुपमा घोसणा भने गरेको छैन।