रु रु जलविद्युत परियोजनाले चालु आर्थिक वर्षको दोस्रो त्रैमाससम्म आइपुग्दा ५ करोड ९६ लाख ८ हजार रुपैयाँ खुद नाफा कमाएको छ ।

जुन गत वर्षको  तुलनामा ९ दशमलव ३१ प्रतिशत कम हो । गत वर्ष यस अवधिसम्म कम्पनीले रू. ६ करोड ५७ लाखभन्दा बढी खुद नाफा गरेको थियो । अघिल्लो वर्षको यसैअवधिमा यसले ६ करोड ५७ लाख २५ हजार रुपैयाँ खुद नाफा कमाएको थियो ।

यसअवधिमा कम्पनीको विद्युत् बिक्रीबाट हुने आम्दानी पनि ८.१३% ले घटेर ९ करोड १५ लाख ५० हजार रुपैयाँमा आएको छ । गत वर्ष रू. ९ करोड ९६ लाखभन्दा बढी आम्दानी गरेको कम्पनीले यस वर्ष रू. ९ करोड १५ लाखभन्दा बढी मात्र आम्दानी गरेको हो  कम्पनीको बिक्री लागत पनि २ करोड ८ लाख रुपैयाँ नोक्सानमा छ । यसले पनि नाफामा असर गरेको हो ।

१० प्रतिशत बोनस शेयर मार्फत चुक्तापूँजी बढाएर रू. ४९ करोड ३३ लाख २३ हजार कायम भएको छ । जगेडा कोष रकम भने रू. १५ करोड ४ लाखभन्दा बढी रहेको छ । पुस मसान्तसम्म आइपुग्दा प्रतिसेयर आम्दानी २४ रुपैयाँ १७ पैसा र प्रतिसेयर नेटवर्थ  १३० रुपैयाँ ४९ पैसा छ ।

दोस्रो त्रैमाससम्म कम्पनीको कुल सम्पत्ति रू. ८२ करोड ४१ लाखभन्दा बढी रहेको छ ।