ब्रोकरको डाटा सेन्टरमा समस्या देखिएपछि रोकिएको सेयर कारोबार खुल्ने वा नखुल्ने भन्ने अन्यौल कायमै रहेको छ ।
केहि समय अघि देखि नै विभिन्न ब्रोकरहरुको टिएमएसमा समस्या देखिएको थियो । नप्सेले सूचना जारी गर्दै ब्रोकरको डाटा सेन्टरमा प्राविधिक समस्या आएको कारण समस्या समाधान नहुँदासम्म केहि समय कारोबार रोकिने जनाएको थियो ।
आज बिहान ११ : ५३ मा टिएमएसमा समस्या देखिएपछि रोकिएको शेयर कारोबार खुल्ने वा नखुल्ने अन्योलता कायमै छ । स्रोतका अनुसार अनुसार टिएमएसमा देखिएको समस्या समाधान उन्मुख अवस्थामा पुगेको छ ।
कतिपय ब्रोकरको सिस्टम अन भएतापनि केही ब्रोकरको सिस्टम अझै अन नभएकोले अन भएपछि कारोबार के गर्ने भन्ने बिषयमा छलफल गर्ने स्टक ब्रोकर एसोसिएसनका अध्यक्ष सन्तोष मैनालीले बताए । आज ब्रोकरको डाटा सेन्टरमा समस्या देखिएपछि जम्मा १ घन्टा ५३ मिनट मात्रै कारोबार भएको छ ।