काठमाडौं, ०५ असार । गणपूरक संख्या नपुगेर स्थगित भएको हिमाल दोलखा हाइड्रोपावर कम्पनी लिमिटेडको वार्षिक साधारण सभा नयाँ मितिमा पुनः आयोजना हुने भएको छ। कम्पनीले १७औँ र १८औँ वार्षिक साधारण सभा असार २६ गतेका लागि तय गरेको जनाएको छ।

हिमाल दोलखा हाइड्रोपावर कम्पनी लिमिटेडले स्थगित भएको वार्षिक साधारण सभा पुनः बोलाएको छ। कम्पनीको १७औँ र १८औँ वार्षिक साधारण सभा आगामी असार २६ गते बस्ने भएको हो।

कम्पनीको सञ्चालक समितिको असार ४ गते दिउँसो ३ बजे बसेको ५८औँ बैठकले साधारण सभाको नयाँ मिति निर्धारण गरेको जनाएको छ। सभा ललितपुरको टौखेलस्थित बिग ब्याङ्क्वेट एण्ड इभेन्ट्समा बिहान ९ः३० बजेदेखि सुरु हुनेछ।

यसअघि असार ४ गतेका लागि बोलाइएको वार्षिक साधारण सभा आवश्यक गणपूरक संख्या नपुगेपछि स्थगित भएको थियो। कम्पनीले सोही सभाका एजेन्डालाई यथावत् राख्दै नयाँ मितिमा सभा आयोजना गर्न लागेको जनाएको छ।

साधारण सभामा आर्थिक वर्षसँग सम्बन्धित विभिन्न प्रतिवेदन, वित्तीय विवरण तथा अन्य प्रस्तावमाथि छलफल तथा निर्णय हुने अपेक्षा गरिएको छ। कम्पनीले शेयरधनीहरूलाई निर्धारित समयमै उपस्थित भई सभालाई सफल बनाउन आग्रह गरेको छ।