RBCL 13271 -79 ENL 838 23.1 SSHL 163 -0.8 SPHL 465 -2 BEDC 363 -2 GMFIL 387 -9 ALICLP 312 0 SWBBL 834 24 SONA 446.2 -1.8 CBBL 851.9 16.9 PBD88 1030.3 -14.7 JSLBB 1460 90 RSDC 712 8 RHGCL 383.9 1.4 ADBLD83 1080 -18.5 DOLTI 406 -5 SMATA 941 29 SIFC 417 -1 ANLB 2188 68 HHL 354 5.1 NMBMF 677 32 MLBL 328 -2 SKBBL 830 18.6 NTC 830 1 CIT 2110 -0.1 TSHL 510 10 CGH 790 3 CLI 458 -4.9 KRBL 425 -10.1 CHDC 810 71 KBL 136.9 -2.1 GVL 438 -6 ALICL 571.8 -3.7 SLBBL 794 24 MSHL 640 18 AKPL 165 -2.1 GHL 149.3 -0.7 SHLB 1745.7 158.7 SHL 436.9 -7.2 SHEL 153 -2.5
×
भारतबाट नेपाली कामदारले ल्याएको पैसा खोस्दै एसएसबी !



भारतमा मजदुरी गरेर घर फर्किरहेका नेपालीबाट भारतीय सुरक्षाकर्मीले १३ लाखभन्दा बढी भारु रकम बरामद गरेको छ ।

नयाँ वर्ष बिशु मनाउन घर फर्किरहेकाबाट दुई दिनमा उक्त बरामद गरेको हो । शुक्रबार हरियाणाबाट घर फर्किरहेका बझाङ दुर्गाथलीका धर्मराज मुरबाट एसएसबीले २ लाख १३ हजार भारु बरामद गरेर भारतीय कस्टमलाई बुझाएको प्रहरीले जनाएको छ । हरियाणामा लामो समयदेखि ढावा चलाउने काम गरिरहेका उनी यसपटक ढाबा बिक्री गरेर घर फर्किरहेका हुन् । ढाबा बिक्री गरेको रकमसहित एसएसबीले बरामद गरेको हो ।

भारतबाट नेपालतर्फ २५ हजारभन्दा बढी भारु ल्याउन लैजान प्रतिबन्ध लगाएको छ । ५ सय र २ हजार भारुको नोट पनि नेपालमा प्रतिबन्ध छ । एसएसबीले सीमामा स्रोत नखुलेको भन्दै घर फर्किने नेपालीहरूको ज्याला मजदुरी गरेर कमाएको रकम बरामद गरिरहेको छ । भारतको विभिन्न ठाउँमा रोजगारी गर्नेले अहिले पनि घर फर्किने सँगै एकमुष्ट रूपमा रकम पठाउने गरेका छन् । जसका कारण एकै व्यक्तिसँग ठूलो रकम देखिने गरेको हो ।

एसएसबीले बिहीबार करिब ११ लाख बढी बरामद गरेको कञ्चनपुरका एसपी कमल थापाले बताए । एसएसबीले सुर्खेतका लोकबहादुर चन्दबाट ८ लाख, कालीकोटका पदम कामीबाट २ लाख र टेकबहादुर कामीबाट १ लाख २७ हजार भारु बरामद गरेको छ ।

सुर्खेतका चन्दको रकम बरामदको जानकारी प्राप्त भए पनि उनी प्रहरीको सम्पर्कमा नआएको एसपी थापाले बताए । उनका अनुसार पदम र टेकबहादुरले पैसाको स्रोत जुटाउने काम गरिरहेका छन् । उनीहरूले उक्त रकमको स्रोत पेस गरेपछि फिर्ता पाउने छन् । उनका अनुसार बैंक स्टेटमेन्ट, तलब बुझेको प्रमाण वा फोन पेको प्रमाणका आधारमा उक्त रकम फिर्ता हुन सक्छ । ‘दुवै जनाका ठेकेदार सम्पर्कमा आएका छन्, ठेकेदारले पैसा दिएको प्रमाण पठाएपछि पैसा पाइन्छ,’ एसपी थापाले भने, ‘एसएसबीसँग यस विषयमा समन्वय भइरहेको छ ।’

भारतबाट २५ हजारभन्दा बढी रकम बोकेर नेपाल प्रवेश गर्न प्रतिबन्ध लगाइएको छ । भारतीय प्रधानमन्त्री नरेन्द्र मोदी पहिलो पटक सन् २०१४ मा नेपाल भ्रमणमा आउँदा नेपाली कामदारलाई २५ हजार भारुसम्म ल्याउन लैजान दिने घोषणा गरेका थिए । त्यसअघि २५ हजारभन्दा कम भए पनि हजार र पाँच सयका नोट प्रतिबन्धित थियो ।

भारतबाट घर फर्किंदा ल्याउन पाउने रकमको सीमाबारे भने नेपाली कामदार बेखबर छन् ।जानकारी अभावकै कारण एक जना घर फर्किंदा गाउँटोलका धेरैको रकम बोकेर आउने गर्छन् । जसका कारण बाटोमै लुटिने तथा हराउने घटनासमेत भइरहन्छन् । ‘नाकामा भारु ओसारपसारमा एसएसबीले केही दिनदेखि कडाइ गरेको छ,’ एसपी थापाले भने, ‘२५ हजारभन्दा बढी बोक्न नपाइने त पहिलेदेखि नै थियो, तर अहिले आएर कडाइ भएको हो ।’ कान्तिपुर दैनिक बाट।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्

सम्बन्धित खवर

ताजा समाचार

लोकप्रिय
सिफारिस